سعودی عرب میں ایک کار ڈرائیور کی لاپروائی کے باعث پٹرول پمپ پر اچانک آگ بھڑک اٹھی تاہم خوش قسمتی سے کوئی بڑا نقصان نہیں ہوا پٹرول اور اسی نوع کی دیگر اشیا کے قریب انسانوں کو ہمیشہ احتیاطی تدابیر اختیار کرنے کی ہدایت کی جاتی ہے خصوصاً پٹرول پمپس پر اس حوالے سے خصوصی ہدایت نامہ درج ہوتا ہے لیکن لوگ ان سے صرف نظر کرتے ہیں جس کے باعث بعض اوقات سنگین حادثات رونما ہو جاتے ہیں ایسا ہی ایک لاپروائی کا واقعہ سعودی عرب میں پیش آیا ہے جہاں ایک پٹرول پمپ پر فیول لینے کے لیے آنے والی کار کے مالک کی لاپروائی نے پمپ پر آگ بھڑکا دی غیر ملکی میڈیا کے مطابق کار ڈرائیور اپنی گاڑی میں پٹرول بھروانے کے بعد انتہائی عجلت میں گاڑی اسٹارٹ کرکے آگے بڑھ گیا اور یہ بھی خیال نہیں کیا کہ آیا فیول پمپ ٹنکی سے نکالا گیا ہے یا نہیں رپورٹ کے مطابق ڈرائیور کی اس عجلت کے باعث فیول پمپ تیزی سے بڑھتی گاڑی کے ٹینک سے نیچے گرا اور رگڑ کے باعث اس میں فوری آگ لگ گئی بتایا جاتا ہے کہ فوری ہنگامی اقدامات کے باعث آگ پر جلد قابو پا لیا گیا اور کوئی بڑا نقصان نہیں ہوا
110
