ممبئی : بھارتی شہر ممبئی کے ایک مضافاتی علاقے میں ایک ٹی وی سیریل کا سیٹ لگا ہوا تھا کہ اچانک وہاں ایک چیتا اپنے بچے کے ساتھ نمودار ہوا، جسے دیکھ کر تمام عملے کے اوسان خطا ہو گئے تفصیلات کے مطابق ممبئی کے گورگاؤں فلم سٹی میں ایک مراٹھی ٹی وی سیریل ’اجونی‘ پر گزشتہ رات ایک چیتا اپنے بچے کے ساتھ کہیں سے آ کر داخل ہو گیا، جسے دیکھ کر سیٹ پر کام کرنے والوں میں خوف و ہراس پھیل گیا سوشل میڈیا پر شیئر کی گئی ویڈیو کلپ میں سیٹ پر چیتے کو دیکھ کر عملے کے ارکان کو گھبراہٹ میں بھاگتے ہوئے دیکھا جا سکتا ہے آل انڈین سینے ورکرز ایسوسی ایشن کے صدر سریش شیام لال گپتا کا کہنا تھا کہ سیٹ پر 200 سے زیادہ لوگ موجود تھے، کسی کی بھی جان جا سکتی تھی، گزشتہ دس دنوں میں یہ تیسرا یا چوتھا واقعہ ہے، حکومت اس سلسلے میں ٹھوس اقدامات نہیں کر رہی ہے واقعے کے بعد حکام کی کئی ٹیموں نے جائے وقوعہ کا دورہ کیا اور وہاں کی صورت حال کا جائزہ لیا۔ واضح رہے کہ 18 جولائی کو بھی فلم سٹی میں ایک تیندوے نے آ کر ایک کتے پر حملہ کیا تھا
94
