بھارتی ویمنز کرکٹ ٹیم کی کپتان ہرمن پریت کور بنگلہ دیش کے خلاف میچ میں آؤٹ ہونے کے بعد آپے سے باہر ہوگئیں اور اپنا بیٹ اسٹمپس پر دے مارا میڈیا کے مطابق بنگلہ دیش ویمنز ٹیم کے خلاف میچ میں شکست کے ڈر نے بھارتی ویمنز ٹیم کی کپتان ہرمن پریت کور اپنے حواس کھو بیٹھیں اور آپے سے ایسی باہر ہوئیں کہ کھیل کے کوڈ آف کنڈکٹ کی دھجیاں بکھیر دیں اور اپنا بلا زور سے وکٹوں پر دے مارا بھارتی کپتان کی اسپورٹس مین اسپرٹ سے عاری یہ ویڈیو سوشل میڈیا پر وائرل ہوگئی جس پر شائقین کرکٹ ہرمن کور کے حرکت پر ان کی شدید مذمت کر رہے ہیں ویڈیو میں دیکھا جا سکتا ہے کہ ہرمن کور اپنے خلاف ایل بی ڈبلیو کی اپیل کامیاب ہونے کے بعد غصے میں آ جاتی ہیں اور اپنا بیٹ اتنی زور سے اسٹمپس پر مارتی ہیں کہ وہ زمین سے اکھڑ جاتی ہیں۔ انہوں نے اسی پر بس نہیں کیا بلکہ پویلین لوٹتے ہوئے وہ با آواز بلند امپائر پر بھی غصے کا اظہار کرتی رہیں بھارتی کپتان نے اس کے بعد بھی ہٹ دھرمی کا مظاہرہ کیا اور میچ کے بعد انٹرویو کے دوران میں نہ مانوں کی رٹ لگاتے ہوئے بھی امپائرز پر برس پڑیں اور امپائرنگ کے معیار کو انتہائی پست قرار دیتے ہوئے کہا کہ آئندہ امپائرنگ کا معیار دیکھ کر ہی وہ بنگلہ دیش کے دورے کا فیصلہ کریں گی ویسٹ انڈین وکٹ کیپر کی ویرات کوہلی سے ناقابل یقین فرمائش؟ بھارتی کپتان کی یہ حرکت انٹرنیشنل کرکٹ کونسل (آئی سی سی) کوڈ آف کنڈکٹ 2.2 کی خلاف ورزی ہے اور کرکٹ اکیوپمنٹ کے قانون کی خلاف ورزی پر ان پر لیول ون کی کارروائی ہوسکتی ہے جب کہ امپائر کے خلاف انٹرویو پر بھی انہیں کارروائی کا سامنا کرنا پڑ سکتا ہے
104
