انقرہ : ترک لیرا ڈالر کے مقابلے میں ریکارڈ کم ترین سطح پر پہنچ گیا، رواں سال کے دوران اب تک ترک لیرا کی قدر میں 6.9 فیصد کی کمی ریکارڈ کی گئی غیرملکی خبر رساں ادارے کی کے مطابق ترک لیرا امریکی ڈالر کے مقابلے میں 2 فیصد سے کم ہوکر کم ترین سطح پر آگیا، جس کی وجہ مرکزی بینک کی جانب سے رواں ہفتے شرح سود میں متوقع اضافہ بتائی گئی ہے تازہ ترین اطلاعات ہیں کہ ترک لیرا امریکی کرنسی کے مقابلے میں 26.9 کی ریکارڈ کم ترین سطح پر پہنچ گیا، اس سال اب تک اس میں 30 فیصد کمی آچکی ہے رائٹرز کے ایک سروے کے مطابق یہ توقع کی جارہی ہے کہ ترکی کے مرکزی بینک کی جانب سے رواں ہفتے پالیسی ریٹ میں 500 بیسس پوائنٹس بڑھا کر 20 فیصد کر دی جائے گی اس حوالے سے ایک مقامی تاجر کا کہنا ہے کہ مرکزی بینک کی جانب سے شرح سود میں مارکیٹ کی توقعات سے کم ہونے کی خبریں لیرا کی قدر میں کمی کو مزید تقویت دے رہی ہے انہوں نے مزید کہا کہ شرح سود میں بتدریج اضافہ پہلے سے ہی ایک مشکل راستہ تھا، لیکن مارکیٹ میں یہ تشویش کہ یہ اضافہ کافی نہیں ہوگا، جس کا اثر قیمتوں میں واضح طور پر ظاہر ہونا شروع ہوگیا ہے ترکی کی سالانہ افراط زر گزشتہ اکتوبر میں 24 سال کی بلند ترین سطح 85.51 فیصد تک پہنچ گئی، جس کی بنیادی وجہ اردگان کی کم شرحوں کی پالیسی کی وجہ سے لیرا کی قدر میں کمی تھی۔ جون تک یہ 38.21 فیصد تک کم ہوگیا لیکن اس میں دوبارہ اضافہ متوقع ہے
96
