واٹس ایپ استعمال کرنے والے صارفین خوش ہوجائیں ان کے لیے فون بک میں محفوظ نہ ہونے والے نمبرز پر بھی پیغام بھیجنے کے عمل کو آسان بنا دیا گیا اب رابطے کی مشہور زمانہ ایپ سے صارفین کو ان نمبرز پر بھی پیغام بھیجنے میں آسانی ہوگی جو ان کے فون بک میں محفوظ نہیں ہیں، جس کے لیے انھیں تازہ ترین ورژن کو ڈائون لوڈ کرنا ہوگا ماہانہ بنیادوں پر نگاہ ڈالی جائے تو اربوں صارفین رابطے کے لیے واٹس ایپ کا استعمال کرتے ہیں، تاہم نئے کانٹیکٹس تک پہنچنا ان کے لیے آسان نہیں ہوتا تھا، اگر آپ نے کوئی نمبر اپنی فون بک میں محفوظ نہیں کیا تو اس پلیٹ فارم پر کسی کو میسج کرنے کا کوئی آسان طریقہ موجود نہیں تھا واٹس ایپ کی جانب سے اس مسئلے کا حل ڈھونڈتے ہوئے اسے آسان بنایا جارہا ہے، اب صارفین کو نامعلوم نمبرز کے ساتھ چیٹ کرنے میں آسانی ہوگی
اگلی بار جب آپ کو واٹس ایپ پر کسی نامعلوم نمبر پر میسج کرنا ہو تو پلیٹ فارم پر ایک نئی چیٹ شروع کریں، اس کے بعد سرچ بار میں نمبر ٹائپ کرنے پرایک چیٹ بٹن نمودار ہو گا اس چیٹ بٹن کے ذریعے آپ اس شخص کے ساتھ بات چیت شروع کر سکتے ہیں جس کا نمبر آپ کے فون میں محفوظ نہیں ویبیٹیل انفو کی جانب سے اطلاع دی گئی ہے کہ مذکورہ فیچر پہلے سے ہی آئی فون اور اینڈرائیڈ کے تازہ ترین واٹس ایپ پر موجود ہے اگر آپ کے واٹس ایپ میں چیٹ کا آپشن ظاہر نہیں ہوتا ہے تو پلے اسٹور سے تازہ ترین واٹس ایپ ورژن اپ ڈیٹ کرلیں، میٹا نے ابھی ایک ’سرور سائیڈ‘ کے طور پر اس کا افتتاح کیا ہے، لہذا اسے ظاہر ہونے میں کچھ وقت لگ سکتا ہے
108
