لاہور : میں اسپتال کے اندر سٹریچر پر موجود زخمی شخص کو قتل کر دیا گیا

لاہور ؛ کے میو اسپتال کے ایمرجنسی میں فائرنگ کرکے زخمی شہری کو دن دیہاڑے قتل کر دیا گیا۔جیو نیوز کے مطابق واردات کی سی سی ٹی وی ویڈیو بھی سامنے آ گئی ہے جس میں ملزم اور مقتول دونوں کی شناخت ہوگئی۔سی سی ٹی وی ویڈیو کے مطابق فائرنگ کرنے والا ایمرجنسی وارڈ میں داخل ہوا اور اسٹریچر پر لیٹے زخمی شخص کو فائرنگ کر کے قتل کردیا۔ملزم ہسپتال سے فرار ہونے کی کوشش کر رہا تھا تاہم ہسپتال عملے نے پکڑ کر پولیس کے حوالے کردیا۔مقتول ساجد کی والدہ کی مدعیت میں ملزم بوٹا اور اس کی اہلیہ کے خلاف مقدمہ درج کرلیا گیا ہے۔ پولیس نے واقعے سے متعلق مزید تحقیقات کا آغاز کر دیا۔