لاہور : پاکستان تحریک انصاف کے سابق سینئر رہنما علیم خان کی رہائش گاہ پر عشائیہ ہوا، عشائیہ میں راجا یاسر ہمایوں ، ملک خرم ،مراد راس، میاں خالد و دیگر شریک ہوئے۔ اس عشائیہ کے دوران جہانگیر ترین گروپ کی جانب سے نئی جماعت کا اعلان کیا گیا۔ علی زیدی، فواد چودھری اور عمران اسماعیل بھی جہانگیر ترین گروپ میں شامل ہوئے۔سیاسی وابستگی بدلنے کے بعد علی زیدی نے کہا کہ جو نومئی کو ہوا میرا نہیں خیال کے پی ٹی آئی اس کے لیے بنی تھی۔ہم نے بہت کوشش کی کہ چیزیں مشاورت سے آگے بڑھیں لیکن انسان صرف کوشش کرسکتا ہے کامیابی اور ناکامی اللہ کے ہاتھ میں ہے۔علی زیدی نے علیم خان کا شکریہ ادا کرتے ہوئے نئی پارٹی کے لیے نیک تمناؤں کا بھی اظہار کیا۔نو مئی کے واقعات کے بعد پارٹی کو خیر باد کہنے والوں میں عامر کیانی، محمود مولوی، راجہ یاور کمال، فردو عاشق اعوان، رانا نذیر، پیر سعید الحسن شاہ، عمیر نذیر، خالد محمود، جاوید انور اعوان، جلیل شرقپوری، رائے اسلم ،جے پرکاش، فاٹا سے جی جی جمال، اجمل وزیر، ملک نعمان لنگڑیال، نوریز شکور، بھی جہانگیر ترین گروپ میں شامل ہوئے۔100 کے قریب سابق ارکان قومی وصوبائی اسمبلی نے نئی جماعت میں شامل ہونے کا اعلان کیا۔ پاکستان تحریک انصاف کو خیر باد کہنے والے فواد چودھری نے جہانگیر ترین گروپ میں شامل ہونے کا فیصلہ کر لیا۔ بیماری کے باوجود فواد چودھری نے عبد العلیم خان کے عشائیے میں شرکت کی، سابق صوبائی وزیر فیاض الحسن چوہان بھی پارٹی میں شامل ہوں گے۔ سابق گورنر سندھ عمران اسماعیل ، سابق وفاقی وزیر علی حیدر زیدی، ڈاکٹر نادیہ عزیز، محمد اقبال ، محسن رضا، سعید اکبر نوانی، راشد اکبر، فیصل جبوانہ، میاں وارث، میاں کاشف، غلام محمد لالی، تیمور بھٹی، مہر اسلم بھروانہ جہانگیر ترین کے ساتھ شامل ہوگئے۔
42
