شیخ رشید احمد کا کہنا ہے کہ مختلف مصالحوں سے کھچڑی پکے گی، جہانگیری تڑکا لگے گا لیکن عمران خان دیوار چین ثابت ہوگا، اڈاری پرندے پیپلز پارٹی کے ٹوکرے میں بھی بھیجیں جائیں گے، 20دن بڑے اہم ہیں، پی ڈی ایم میں پھوٹ پڑے گی ، پیپلز پارٹی اور ن لیگ آمنے سامنے ہوگی۔ تفصیلات کے مطابق پاکستان عوامی مسلم لیگ کے سربراہ و سابق وفاقی وزیر داخلہ شیخ رشید احمد نے ملک کے موجودہ حالات کے حوالے سے اپنے ردعمل میں اہم باتیں کہی ہیں۔سماجی رابطوں کی ویب سائٹ ٹوئٹر پر اظہار خیال کرتے ہوئے شیخ رشید احمد نے پیشن گوئی کی کہ اڈاری پرندے پیپلز پارٹی کے ٹوکرے میں بھی بھیجیں جائیں گے، مختلف مصالحوں سے کھچڑی پکے گی ، جہانگیری تڑکا لگے گا لیکن عمران خان دیوار چین ثابت ہوگا۔انہوں نے کہا کہ تاریخی افراط زر، گروتھ منفی، آئی ایم ایف سے کٹی ، کاروبار تباہ ، معیشت غرق، مالیاتی مدد ناپید، ملک جل رہا ہے اور ان کو دوروں کی پڑی ہے ۔زندگی میں پہلی بارعدلیہ اور عدل کو بے بس پایہ، حکومت نے عدل انصاف اورججوں کے فیصلے کو بھی نظر بند کر دیا ہے، کیا قید ہے کیا رہائی ہے، عدلیہ سے رہائی اور جیل کے گیٹ پر گرفتاری کا نیا پروانہ ہے۔ شیخ رشید نے مزید کہا کہ گیڈر اور گدیں قوم کونوچ رہیں ہیں، گدھوں نے اسلام آباد کے 27 کلو میڑ کے اصطبل پرقبضہ کر لیا ہے، 24 کروڑ لوگ بندگلی میں داخل ہوچکے ہیں ۔سیاسی جہنم سے نکلنے کا راستہ دکھائی نہیں دیتا، حالات بدسے بدتر ہوتے جارہے ہیں، آگے کھائی اور پیچھے گھڑا ہے، حکومت بے فکر ہے کیونکہ ان کی ساری مال دولت اور جائیدائیں ملک سے باہر ہیں۔ سابق وزیر داخلہ نے مزید کہا کہ آئی ایم ایف سے لے کر آسٹریلیا تک اور چین سے لے کر سعودی عرب تک سب سمجھا رہے ہیں کہ عقل کے ناخن لیں ، لیکن حکمرانی کی لالچ ذلت اور رسوائی کی آخری حد تک پہنچ چکی ہے۔
40
