وزیر مملکت حنا ربانی کھر 13 مئی سے دوسرے یورپی یونین انڈو پیسفک فورم میں شرکت کے لیے اسٹاک ہوم سویڈن کا سرکاری دورہ کریں گی۔دفتر خارجہ کی ترجمان کی جانب سے جمعہ کو جاری بیان کے مطابق وزیر مملکت برائے امور خارجہ کا یہ دورہ یورپی یونین کے اعلی نمائندے برائے خارجہ امور اور سلامتی پالیسی جوزپ بوریل اور سویڈش وزیر خارجہ ٹوبیاس بلسٹروم کی مشترکہ دعوت پر ہورہا ہے۔فورم میں وزیر مملکت اہم علاقائی اور عالمی مسائل پر پاکستان کے نقطہ نظر کو اجاگر کریں گی اور یورپی یونین کے ساتھ تجارت، سرمایہ کاری، ڈیجیٹل ٹیکنالوجی، آب و ہوا، ماحولیات اور صحت اور رابطوں میں تعاون کے امکانات کا جائزہ لیں گی۔ حنا ربانی کھر فورم میں شریک رہنماؤں سے بھی ملاقات اور دو طرفہ تعاون کے امور پر تبادلہ خیال کریں گی۔
49
