25

ملت ایکسپریس واقعہ : مریم کی موت خود کشی یا قتل؟ پوسٹ مارٹم رپورٹ میں اہم‌ انکشاف

تفصیلات کے مطابق ملت ایکسپریس میں پولیس اہلکار کے تشدد کا نشانہ بنی مریم کی موت معمہ بنی ہوئی ہے،مریم کی موت کی تحقیقات جاری ہے جاں بحق خاتون کی پوسٹ مارٹم رپورٹ سامنے آگئی، جس میں بتایا گیا کہ خاتون کی موت حادثاتی ہے،جسم پرزخموں کے5نشان ہیں جبکہ خاتون کی موت ہڈیاں ٹوٹنے اورزیادہ خون بہہ جانے سے ہوئی پوسٹ مارٹم رپورٹ میں سر پر لگنے والی چوٹ کو موت کی بنیادی وجہ قرار دیا گیا ہے گذشتہ روز جاں بحق مریم کی ایک اور ویڈیو سامنے آئی تھی ، ویڈیو میں مریم کو بال کھولےہاتھ اٹھائے جھومتے اور ناچتےدیکھا جاسکتاہے، جس کے بعد سوال اٹھتا ہے کہ کیا مریم کو نشہ آورچیز پلائی گئی انکوائری ٹیم تمام پہلوؤں کا جائزہ لے رہی ہے کہ خاتون ٹرین سے گری ہے یا گرائی گئی یا اس نے خودکشی کی ملت ایکسپریس واقعہ یاد رہے مریم کو ریلوے پولیس اہلکار نے حیدرآباد میں تشدد کا نشانہ بنایا اور گھسیٹتا ہوا لے گیا، جس کی ویڈیو بھی سامنے آگئی تاہم واقعے کے بعد بہاول پور کے قریب خاتون کی لاش ملی مریم بی بی کراچی میں بیوٹی پارلرپرکام کرتی تھی اورعید منانےآبائی علاقےجڑانوالہ جارہی تھی، بھائی نے تشدد کرنے والے اہلکار پر قتل کرنے کاالزام لگاتے ہوئے ریلوے کانسٹیبل میرحسن کیخلاف قتل کا پرچہ کٹوانے کی درخواست بھی دی بعد ازاں ٹرین میں خاتون پر تشدد کے بعد مبینہ قتل کا مقدمہ درج کرلیا گیا، پولیس کے مطابق مقدمہ تھانہ چنی گوٹھ میں بھائی کی مدعیت میں درج کیا گیا، مقدمے میں میر حسن سمیت تین اہلکاروں کو نامزد کیا گیا ہے ایف آئی آر کے مطابق ریلویز پولیس اہلکار بہن پر بری نظر رکھے ہوئے تھا، چھیڑ خانی سے منع کرنے پر مریم کو تشدد کا نشانہ بنایا گیا اور مریم کو ملزمان نے چلتی ٹرین سے دھکا دیا ترجمان ریلویزبابررضا نے اے آر وائی نیوز کے پروگرام باخبر سویرا میں ملت ایکسپریس واقعے کے حوالے سے گفتگو کرتے ہوئے بتایا تھا کہ خاتون کی خودکشی ہےیاقتل اس نتیجےپرابھی نہیں پہنچے، خاتون کی موت سے متعلق تحقیقات ابھی جاری ہیں۔

اس خبر پر اپنی رائے کا اظہار کریں

اپنا تبصرہ بھیجیں