110

پاکستان کے 8 شہروں میں پولیو وائرس کی تصدیق

اسلام آباد : ذرائع وزارت صحت نے کہا ہے کہ ملک کے 8 شہروں سے ماحولیاتی نمونوں میں پولیو وائرس کی تصدیق ہوئی ہے تفصیلات کے مطابق ملک بھر کے 8شہروں کے 12سیوریج سیمپلز میں پولیو وائرس کی تصدیق ہوئی ہے، سیوریج میں وائلڈ پولیو وائرس ون، وائی بی اے تھری کلسٹر پایا گیا ذرائع کا کہنا ہے کہ کراچی، کوئٹہ، اوستہ محمد، سبی کے سیوریج میں پولیو وائرس پایا گیا جبکہ پشاور، مستونگ، نصیر آباد، کوہاٹ کے سیوریج میں بھی پولیو پازیٹو نکلا۔پاکستان کے 8شہروں سے پولیو ٹیسٹ کیلئے سیمپلنگ 14 تا 19 مارچ ہوئی تھی، رواں برس 31 اضلاع کے 93 سیمپلزپولیو پازیٹو ہو چکے ہیں کراچی ایسٹ، ساؤتھ، کورنگی کےسیوریج میں پولیو پایا گیا، رواں برس کراچی ایسٹ کے13ساؤتھ کے6سیمپلز پازیٹو نکلے، کراچی کےسیوریج کا پولیو وائرس جینیاتی طور پر لوکل ہے اس کے علاوہ اوستہ محمد کے سیوریج میں پہلی بار پولیو وائرس پایا گیا، اوستہ محمد کی سیوریج کے پولیو وائرس کا جینیاتی تعلق کوئٹہ سے ہے، رواں برس کوئٹہ کے 12 سیوریج سیمپلز پولیو پازیٹو نکلے ہیں ذرائع کا کہنا ہے کہ پشاور شاہین مسلم ٹاؤن کے سیوریج میں پولیو وائرس پایا گیا، رواں برس پشاور کے 9 سیمپلز میں پولیو وائرس کی تصدیق ہوئی، پشاور کے سیوریج میں پولیو وائرس مقامی طور پھیل رہا ہے، رواں برس ملک میں پولیو وائرس کے دو کیسز رپورٹ ہوچکے

اس خبر پر اپنی رائے کا اظہار کریں

اپنا تبصرہ بھیجیں