78

بھارت : خلائی ادارے نے چاند اور زمین کی تصاویر جاری کردیں

بھارتی خلائی ادارے اسرو کی جانب سے چند ہفتے قبل ایک مشن چاند پر بھیجا گیا تھا، اب اس خلائی گاڑی نے مذکورہ سیارے کی تصاویر زمین پر بھیجی ہیں غیرملکی میڈیا رپورٹس کے مطابق ’اسرو‘ نے چندریان3 نامی خلائی گاڑی سے لی گئی دو تصاویر میڈیا اور عوام کے لیے جاری کی ہیں، ہندوستانی خلائی تحقیقی ادارے کی جانب سے جاری تصاویر میں سے ایک زمین کی ہے جب کہ دوسری چاند کی ہے لینڈر امیجر (ایل آئی) کیمرہ سے کھینچی گئی پہلی تصویر زمین کی ہے، مذکورہ تصویر14 جولائی کو اس وقت لی گئی جب چندریان 3 کو ستیش دھون خلائی مرکز سے لانچ کیا گیا دوسری تصویر چاند کی ہے جو کہ 6 اگست کو خلائی گاڑی سے لی گئی ہے جب کہ اسے لینڈر ہوریزنٹل ویلوسیٹی کیمرہ (ایل ایچ وی سی) کے ذریعے کھینچا گیا ہے اس سے قبل ’اسرو‘ چاند کی ویڈیو بھی جاری کرچکا ہے جو چندریان3 نے یکم اگست کو چاند کے مدار میں داخل ہونے کے دوران بنائی تھی

اس خبر پر اپنی رائے کا اظہار کریں

اپنا تبصرہ بھیجیں