ملک تقریباً ڈیفالٹ ہوچکا ہے اعلان باقی ہے آصف زرداری آرمی چیف کی تقرری کے اہل نہیں: شیخ رشید

اسلام آباد : عوامی مسلم لیگ کے سربراہ شیخ رشید کا کہنا ہے کہ ملک تقریباً ڈیفالٹ ہوچکا ہے اعلان باقی ہے آصف زرداری آرمی چیف کی تقرری کے اہل نہیں مدینہ منورہ میں ہونے والے واقعے سے متعلق مقدمے کی سماعت کے بعد شیخ رشید احمد نے میڈیا سے گفتگومیں کہا کہ آصف زرداری آرمی چیف کی تقرری کے اہل نہیں عمران خان نا فوج کو ہراساں کررہا ہے اور نا حکومت کو عمران خان کا ایک معمولی اور معصومانہ سا سوال ہے کہ انتخابات کرادیں اسلام آباد ہائیکورٹ کے باہر میڈیا سے گفتگو کرتے ہوئے شیخ رشید نے کہا کہ اُن پر جھوٹے بے بنیاد مقدمات بنائے گئے ہیں جب وہ وزیر داخلہ تھے تو کسی ایک رہنما پر جھوٹا مقدمہ درج نہیں کیا گیا حکومت کو میرے خلاف جب کچھ نہیں ملا تو جھوٹا مقدمہ درج کر دیا گیا شیخ رشید نے مزید کہا کہ عمران خان نے کسی کو ڈکٹیٹ نہیں کیا بلکہ میرٹ کی بات کی عمران خان کے بیان سے فوج میں کسی قسم کی بدنظمی نہیں کیس سے متعلق شیخ رشید نے کہا کہ میں تو اس واقعہ کے وقت مدینہ شریف میں موجود بھی نہیں تھا جب کچھ نہیں ملا تو انہوں نے یہ کیسز نکال لیے چیف جسٹس نے حسب معمول ایک اچھا فیصلہ دیا ہے کہ ہمیں تنگ نہ کیا جائے اس سے قبل ٹوئٹر پربیان میں شیخ رشید کا کہنا تھا کہ ساری سیاست نومبر کے گرد گھوم رہی ہے فضل الرحمٰن نے ایکسٹینشن دینے والی پارلیمنٹ کی مدت بڑھانے کا مطالبہ کردیا ہے شیخ رشید کا مزید کہنا تھا کہ ملک تقریباً ڈیفالٹ ہوچکا ہے صرف اعلان باقی ہے بجلی ساڑھے چار روپے فی یونٹ مزید مہنگی کردی ہے اقتدار کے بھوکوں کا جمعہ بازار لگا ہے اور عوام کا چولھا نہیں جل رہا وہ خودبخود سڑکوں پر نکلیں گے

اپنا تبصرہ بھیجیں