عمران خان تکبر ، انا پرستی اور خود پسندی میں مبتلا خطرناک ذہنی مریض ہیں: مریم اورنگزیب

اسلام آباد : وفاقی وزیراطلاعات مریم اورنگزیب نے عمران خان کو تکبر اور خودپسندی میں مبتلا خطرناک ذہنی مریض قرار دے دیا مریم اورنگزیب نے عمران خان کو خطرناک ذہنی مریض قرار دیتے ہوئے کہا ہے کہ عمران خان اپنے آپ کو درست طور پر خطرناک کہتے ہیں کیونکہ تکبر انا پرستی اور خودپسندی میں ڈوبا بزدل شخص خطرناک ہی ہوتا ہے مریم اورنگزیب کا کہنا تھا کہ یہ بیمار ذہنیت ہے کہ میں وزیراعظم نہیں اس لئے سیلاب متاثرین کی مدد نہ کرو،یہ شخص گھٹیا سیاست کے لئے سیلاب متاثرین کی امداد رکوانا چاہتا ہے وفاقی وزیر نے مزید کہا کہ کبھی آئی ایم ایف پروگرام پھر سیلاب متاثرین کی امداد رکوانے کی گھٹیا کوشش کرتا ہے، یہی ذہنی بیمار شخص شہدا کے خلاف سوشل میڈیا پر زہریلی مہم چلاتا ہے مریم اورنگزیب نے کہا ڈھیٹ فسطائی اور بے شرم انسان سفید جھوٹ بولتا اور سیلاب پر سیاست کرتا ہ بیمار ذہنیت کا شکار شخص سیلاب متاثرین کے آٹے پر بھی سیاست کرتا ہے وفاقی وزیراطلاعات نے کہا کہ کسی ادارے سربراہ یا جج کو گالی دینے میں عمران کو تو کوئی شرم ہی نہیں آتی اب عدالتوں کو پتہ چل جانا چاہئے کہ عمران خان کو ندامت ہے نہ ہی کوئی شرمندگی ہے مریم اورنگزیب نے اپیل کرتے ہوئے کہا کہ قوم اور میڈیا خود پسند و انا پرست شخص کے بجائے سیلاب متاثرین پر توجہ دے

اپنا تبصرہ بھیجیں